لعبة مع او ضد

بالبداية الف شكر على الفكرة المميزة يلي اضفتها عن التعليم الجامعي ...

و بحب ضيف الها ..... موضوع التاكيد على دعم ابداع الطلاب ...

اي تكون الأسئلة و التقييم ليس فقط دراسة ...

بل مشاريع عملية ....

مثل طالب المعلوماتية يصمم برنامج من خلال اللغة يلي تعلمها بالسنة هاي

و يبيع البرنامج .... و يشوف شو بيصير معه و الجامعة تدعمه

الطبيب لازم يعالج بعض الحالات من خلال دراسته ليتخرج

الخ الخ الخ


كمان موضوع الإبداع مثلا الإستاذ وضع سؤال واحد من الطلاب جاوب على السؤال متل السلم ياخد 90 %
بس يلي بيجاوب بطريقة فيها تانية ياخد 100%

لان للأسف يلي عم يصير هوة العكس

سؤالك بشان الهلال ....

بالعكس انا بشوف الموضوع ما بس اكيد بشوف الموضوع ضروري ضرورية قصوى
يكون الهلال واحد !!

لان عم نشوف حالات فعلا دليل انقسام !!!

تصور بنفس البلد كل جماعة تعيد وقت ؟؟؟؟



شي ضروري جدا !!! و من اكبر البديهيات

سؤالي .........

هل انت مع ام ضد ....... الرقابة على الأنترنت
> رقابة اخلاقية
> رقابة فكرية
> رقابة سياسية
؟؟؟؟؟؟؟؟؟؟

يعني رايك بكل نوع ؟؟؟؟؟


> رقابة اخلاقية
> رقابة فكرية ( الفلسفات و الدين )
> رقابة سياسية

تحياتي يا محمد
بس ليش زعلت من كلمة كابتن؟؟؟؟؟؟؟؟؟؟؟؟؟
قبل ما اجاوب شو يعني الرقابة؟؟؟؟؟؟
هل قصدك حظر المواقع؟
يعني الدولة هي اللي تقوم بحظر المواقع حسب ما تريد
ولا قصدك الموقع نفسه بيطبق الرقابة بينشر اللي ببيوافقوا واللي بيتفق مع توجهاتو واللي ما بدو اياه بيطنشو و بيهملوا!!

بتعرف شي
انا ضد الرقابة على الانترنت
مهما كان نوعها
لانو الرقابة الصحيحة و هي اصح انواع الرقابة هي الرقابة الذاتية
و الانسان اعرف بمصلحتو
انا هاد رأيي
اما الدولة هي يلي توجه الافراد او السياسة هي يلي توجههم هاد غلط كبير
بسير في نوع من انواع الكبت
و الكبت نتائجه كتييييييييييييييييييييير خطيرة على الشخص نفسو و على المجتمع

رايك معقول يا سلمى
بس ليش ضد الرقابة على الانترنت؟؟؟؟؟؟؟؟
انا ما بوافقك ب مية بالمية في موضوع الرفابة الذاتية......
لان الانسان بتمر عليه ساعات ضعف وممكن اذا ما في رقابة من الدولة يدخل مواقع غير اخلاقية بالنت او حتى مواقع تمس بالدين او......او...

الرقابة من اجل منع المواقع اللاخلاقية هو شى ممتاز وجيد وربما يكون واجب لمنع الفساد والانحلال الخلقي

اما في السياسة يكون الوضع مختلف.يعني مش لازم يكون في مشكلة بابداء او سماع الراي المخالف يعني لازم يكون من حق الاخرين ابداء ارائهم متل ما هو من حقك..... والا انت مسموح لك تحكي كل شي وتمنع الاخرين

اما الرقابة الفكرية فالدين ليس افكار انما معتقدات(مبنية على اسس واضحة القران والسنة والاجتهاد)سوف تؤمن بها وليس افكار من عقول البشر

وعلى العموم انا مع عدم السماح لاي شخص (سواء ضمن مواقع بالانترنت او حتى بقنوات التلفزيون ) بالخوض في الامور الاساسية بالدين دون رقابة... يعني من يتكلم عن الدين او يريد ان يبدي رايه يجب ان يكون مقيدا ضمن اسس من الشريعة لا يحق له ان يتجاوزها

اما بالنسبة للرقابة الفكرية فانا مع ان تكون الرفابة الفكرية متوافقة مع الدين وغير ذلك لا يتم نشره.بل وتتم محاسبة المفكر

انا برأيي
لازم يكون في انفتاح
و حوار
نتقبل الخرين
شو بيحكو
حتى لو كان غلط
لانو كل شي غلط باخر الحوار طبعا ازا كان الحوار عقلاني بينحل
و بتصفا القلوب و كل واحد بيعرف غلطو و بيعدل قناعاتو
اما بالنسبة للرقابة
فأنا مية بالمية مع الرقابة الذاتية بدون اي تدخلات خارجية
لانو الانسان بطبيعتو محب للخير و الشي الصالح
و مو بحاجة لحد يقلو اعمل هيك و ما تعمل هيك
و شوف هاد و لا تشوف هاد
بيحس حالو مقيد
او قدراتو العقلية ما بتساعدو انو يحدد هالشي منيح او لأ
انا هاد رأيي
طبعا بتقبل رأي اي شخص تاني
و نحن ممكن نتفق على كتير نقاط متل ما ممكن نختلف على بعضها صح يا اخ مصطفى؟

شكرا كلامك فيو شي صحيح بس........ز
سوال محدد:انت مع ان تقوم الدولة بحظر المواقع اللا خلاقية ولا لا؟؟؟؟؟؟؟
يعني برايك تكفي الرقابة الذاتية فقط لمنع الشخص من دخول هاي المواقع؟؟؟

نعم انا بفضل الرقابة الذاتية
يعني مثلا بسوريا محظور الفيس بوك
و في ناس نفسن يعرفو شو هالموقع
جد بيسير نوع من الحشرية و الفضول و الكبت
و بيسيرو الناس يدورو على شي افظع
فبرأيي الرقابة الذاتية هي اقوى مانع
و يلي ما بيخاف ربو
مو معقول دولة تخوفو
او سياسة معينة

الله يعطيك العافية
انت جاوبتي عن السوال بس وين سوالك اللي بدك تطرحيه؟

هل انت مع او ضد قيادة المرأة للسيارة

انا مع قيادة المراة للسيارة
لان ما في سبب مقنع لمنع المراة من القيادة
بعدين نسبة الحوادث اللي عم تصير بالعالم اغلبها من الشباب وليس من البنات

هل انت مع او ضد ظهور العلماء المسلمين على قنوات الاغاني متل البرامج الدينية التى توضع في قنوات اغلبها اغاني وبرامج تسلية ؟؟؟؟؟؟؟؟؟؟؟

مممممممم
و الله الموضوع الو ابعاد كتيرة
بس انا بعتقد انو في شيء من التغيير و هو شي ايجابي ابدن مو سلبي
بس اظن انو نظرة الناس السطحية رح تعمل نوع من التشويش انو شو جاب هاد الشيخ لهون
بس اي شي اياجبي باصلو
رح يكون ايجابي بنتائجو

يلي بعدي
هل انت مع او ضد قيادة المرأة للدولة

اسمحو لي أن أشارك في هذه اللعبة المميزة وشكرا لكم

أما سؤال الأخت سلمى هل انت مع او ضد قيادة المرأة للدولة؟؟
أكيد لأ أنا ضد قيادة المرأة للدولة لأن هذا الأمر ليس من اختصاصها
مهمة المرأة تنتهي بقيادة المنزل
هذا الأمر ليس حظر للمرأة وإنما تلبية لأمر الله ولأمر الرسول لأن المرأة لايجوز أن ترأس الرجال أو أن تقود الرجال أبدا وشكرا للسؤال الرائع

عفوا نسيت سؤالي:

سؤالي : هل أنت مع أو ضد التعليم الافتراضي ...

اهلين اخي نور
انا ضد التعليم الافتراضي
انا مع التعليم الجامعي بالطريقة التي درسناها اما عن التعليم الافتراضي او حتى التعليم االمفتوح فالسبب هو المال لذلك لا اؤيد فكرة التعليم المفتوح

هل انت مع او ضد ان تطيع والداك في امورك الخاصة والتي قد تراها انت ان اراء الاهل غيرصحيحة او لا تناسبك؟؟؟؟ اي هل انت مع اوضد ان تكون حباتك الخاصة كما يريدها الاهل وليست كما تريدها انت؟؟؟؟؟

أنا مع أن تكون الحياة الخاصة بإشراف الأهل
لأن الأهل أصحاب خيرة في هذه الحياة وأصحاب تجربة
لذلك على الأهل الإشراف الدائم على حيا ة الشاب

اكيد
بس اخ انس وين السؤال؟

آسف نسيت السؤال

سؤالي :
هل أنت مع أم ضد الزواج المبكر للشباب والفتيات

اولا بالنسبة للحياة الخاصة انا افضل ان تكون حياتي الخاصة كما اريد لا كما يريد الاهل ولا مانع من الاستفادة من راي الاهل لكن ان يكون القرار الاخير لي لان هذه هي حياتي الخاصة واريد ان ابنيها كما اريد انا من اجل ان اكون مسؤولا عن اي شئ فيها لا ان اقوم بالقاء اللوم على الاهل ان حصلت معي اي مشكلة
او اسخط على اهل و ألقي كل اخطائي عليهم لهذا السبب
اريد ان اكون انا صاحب القرار وانا من يتحمل المسؤولية

الزواج المبكر له فوائد متعددة، منها
صون الشباب من الانحراف.
حفظ أعراض المسلمين، وصون المجتمع الإسلامي من الآفات، والأمراض.
حصول الأمن والاستقرار، فالزواج المبكر يكبح جماح طاقة الشباب من الانحراف،
على الرغم من فوائد الزواج المبكر الا انه لايعني ان يكون الزواج المبكر دون دراسة
او ان يكون دون قدرة مادية من الزوج والامر ليس بيع وشراء بل حياة جديدة يجب ان يكون الكل على قدر التحدي حتى لاتفشل هذه الحياة
انا مع تاجيل الزواج حتى يصبح المرء مقتدرا ماديا ومستقلا ماديا عن اهله
ولو كانت الحالة المادية لاهله جيدة
ليش؟؟؟؟؟؟؟؟؟؟؟؟؟
اذا بتاخر الزواج سنة او تنتين حتى تامن مصاريف الزواج ممكن ترتاح بالزواج طول العمر
يعني لاباس تاجبل الزواج حتى تصبح الامور الاساسية داخل البيت متوفرة
كمان المراة التي تقكر بالارتباط بها من حقها ان تكون لها استقلالية في حياتها (على الاقل لها بيت خاص كحد ادنى)
ومن حقها اذا بدها اي شى تتطلبه من زوجا لا انو تنتظر الزوج حتى ياخذ مصروفه من الاب
و مهما كانت تحب زوجها فهي ستفقد احترامها له ان لم يكن قادرا على القيام بطلبات البيت
بعدين اي شب ممكن ان يبقى وهو اعزب دون مصروف يوم او يومين او ....اما عندما يصبح مسؤولا عن عائلة واولاد فمن غير المعقول ان تكون العائلة كلها دون اي دخل مادي تتنتظر من يساعدها (ولو كان اقرب الاقربين)
يعني الامور المادية ليست بالامر الثانوي الذي يمكن تجاهله .كل شي في الحياة الزوجية يعتمد على الناحية المادية (نحن لا نعيش في المدينة الفاضلة)
تخبل انو الاب زوج ابنو على بكير وهو مو قادر على تامين مصروف البيت كيف رح يقدر يتحمل مسؤلية تربية الاولاد وكنتيجة حتمية مش رح يخلي اولادو يكفوا تعليم ورح يلحشهم برة المدرسة ويركنهم على اول شغلة ممكن تحصلوا اي مصروف مادي

وبدل ما نستفيد من الزواج المبكر بحفظ الشباب وصون المجتمع نكون جبنا مصايب تانية وتالتةو......و......
واكيد رح تكون النهاية غير محمودة العواقب