لعبة مع او ضد

هل انت مع او ضد المقولة : وراء كل رجل عظيم امراة؟؟؟؟؟؟

اقتباس :

الف شكر اخي محمد
انا مع اعطاء البنت الحرية لكن( ليس الحرية الكاملة وانما الحرية التي تجعلها تحس انها تملك القرار وانها ليست الرويوت الالي الذي ليس بوسعه سوى سماع وتنفيذ الاوامر) لكن بشرط ان تكون قد قمت باعطائها كل المؤهلات التي تجعلها قادرة على الاختيار
اي عندما تقوم كأب بتربية ابنتك على مبادئ الاسلام فليس من الضروري ان تقوم بالتدقيق على ما كل تقوم به ابنتك بل يكفي التوجيه والنصح
التدخل المستمر في شوؤن البنت دائما قد يولد ردة فعل تجعل البنت ترفض كل النصائح بل على العكس ربما تقوم
بامور هي لاتريدها وغير وقتنعة بهاولكن تعتبر القبام بها نوع من الحرية ومن الخصوصية

اكيد اخي ... بس انا يلي طرحته كان سؤال عن مفهوم الحق العام عندك بالأماكن العامة

اقتباس :

هل انت مع او ضد المقولة : وراء كل رجل عظيم امراة؟؟؟؟؟؟

والله هل مقالة ...

تقدر تقول مقالة ادبية اكتر ما هية مقالة الها مغزى و فكرة ..

برايي


وراء كل (شخص عظيم) (شخص *عزيز عليه *مقرب منه *مهتم به *مخلص له *طيب العشرة )

يعني ممكن يكون رجل و يعاونه على نجاحه رجل ( صديق , اب , اخ , جد , عم .... )
و ممكن يكون امراة و يعاونها امراة ( ام , اخت , صديقة , جدة , خالة ..... )
و ممكن يكون امرأة يعاونها رجل ( زوج , اخ , اب , جد , ابن )
و ممكن يكون رجل يعاونه امراة ( زوجة , اخت , ام , جدة , عمة . خالة . بنت ! )
!!!!
يعني اعتراضي على الجملة اعتراض .... مراة , رجل
و موافقتي عليها موافقة ...... النجاح بده مساعدة و حدا يوقف جنبك !


oK

بالمختصر انا ضد الجملة .. ليش مع ان فيها جانبين ...
لان الجانب الطاغي هو جانب رجل و امراة ليس لان الجملة هيك بل للان الفهم بهل اسلوب !!

بالتوفيق اخي ....

سؤالي .... شو رايك بموضوع التعصب العرقي ( القومي ... ) ؟؟؟




على فكرة انا بقترح هل موضوع ننقله لقسم الحوار لانه مكانه الانسب لانه حوار راقي اكتر منه لعبة ؟؟؟؟ و الراي بالأخير لصاحب الموضوع الأخ الغالي مصطفى و لجدو نوبل

والله مية وردة يا محمد
اذا بدك تنقلوا لاي قسم مافي مانع بس انا برايي تبقى لعبة افضل مش هيك؟؟؟؟؟؟؟؟؟
لان من نقلتها لقسم الحوار مش رح يدخل اي عضو ويكتب اي سوال
لان اغلب الاعضاء بيحبوا التسلية وممكن تلاحظ هذا الشي من عدد المشاركات بالالعاب
اخيرا شوفوا انت وجدو نبيل شو المناسب للمنتدى وانا موافق

اخي الراي رايك و الموضوع موضوعك ....

و عندك كامل الصلاحيات ....

بس ما جاوبت على سؤالي ..


هل انت مع ام ضد ترك المدرسة للعمل عند الناس الذين لا يملكون قدرات دراسية( المقصود الإهتمام بالدراسة و القدرات العقلية )؟؟؟؟؟
ام ترى ان الشهادة الجامعية ضرورية في كل الأحوال ؟؟؟

اهلين اخ محمد
بالنسبه للشهادة الجامعية
انا برايي الشهادة الجامعية مو شي اساسي بالحياة يعني الشي الاساسي هي البكالوريا
بعدين السبب الاساسي اللي بيخلي كتير من الناس تدخل الجامعة مش العلم انما المردود المادي والبحث عن مستقبل جيد وكل ماكان الفرع يبامن مردود جيد كل ما كان الفرع مرغوب اكتر من الطلاب
تخيل انو اغلب الشباب دخلوا الجامعة واخذوا شهادات مين اللي رح يشتغل بباقي المجالات
الافضل هو ان يقوموا الاهل بتشجيع الابن على الدراسة حتى البكالوريا اما فترة بعد البكالوريا فالابن هو اللي بيقرر كيف رح ياسسها باعتبار انو صار قادر على تحديد مستقبلو بنفسو ولتخاذ القرار اللي يناسبو ان كان يجد بنفسه الكفاءة للجامعة يدخل والا يدخل اي مجال تاني يجد نفسه قادر على الابداع فيه

هل انت مع او ضد تحديد النسل كحل لمشاكل المجتمع من نقص الموارد وكثرة البطالةو........و........؟؟؟؟؟؟

--------------------------------------------------------------------------------------

اهلين اخ محمد
بالنسبه للشهادة الجامعية
انا برايي الشهادة الجامعية مو شي اساسي بالحياة يعني الشي الاساسي هي البكالوريا
بعدين السبب الاساسي اللي بيخلي كتير من الناس تدخل الجامعة مش العلم انما المردود المادي والبحث عن مستقبل جيد وكل ماكان الفرع يبامن مردود جيد كل ما كان الفرع مرغوب اكتر من الطلاب
تخيل انو اغلب الشباب دخلوا الجامعة واخذوا شهادات مين اللي رح يشتغل بباقي المجالات
الافضل هو ان يقوموا الاهل بتشجيع الابن على الدراسة حتى البكالوريا اما فترة بعد البكالوريا فالابن هو اللي بيقرر كيف رح ياسسها باعتبار انو صار قادر على تحديد مستقبلو بنفسو ولتخاذ القرار اللي يناسبو ان كان يجد بنفسه الكفاءة للجامعة يدخل والا يدخل اي مجال تاني يجد نفسه قادر على الابداع فيه

-------------------------------------------------------------------------------

راي موضوعي و معقول كتير .....

هل انت مع او ضد تحديد النسل كحل لمشاكل المجتمع من نقص الموارد وكثرة البطالةو........و........؟؟؟؟؟؟

ايوا ..... شي حلو لساتك متذكر الموضوع ما مشكلة ...
خلينا نحكي صراحة !

رايي انا ... بالطبع بعد الإطلاع على عدد من الآراء التانية ...
بشوف الموضوع هاد ناخده بوضوح و دقة !

اول شي نحن شو هدفنا من السكان او شو هدفنا من المجتمع ؟؟؟
الهدف يختلف من فلسفة لفلسفة بس برايي هدفنا تطوير البيئة و الكوكب و الناس انفسهم لنقدر نحقق مزيد من المعرفة و التطور و التكنولوجيا
و مزيد من السيطرة على الطبيعة و الإستفادة من ثرواتها


هاد الشي كيف يتحقق يعني كيف الطريق !
الطريق واضح و بسيط ... بدنا
1- خبرات و عقول و نوعية عالية !
2- بدنا ايدي عاملة ..

و بلا طول سيرة .... يعني العصر يلي كان فيه عدد البشر هو من علامات القوة راح ... صار العصر هلاءنوعية البشر لان ....

ببساطة ما بقى في عمل يدوي بقى دور الأنسان الأساسي و الي هوة و لازم يكون هو الإبداع و الأختراع ...
و في الآلة بعد ما الأنسان يخترع الشيء و يصير واضح و محدد تبقى على الآلة العمل التكراري الدقيق و السريع !

و زيادة عدد البشر ما رح يكون لمصلحتهم في ناحية الإيدي العاملة لانهم رح ينهانوا و ينذلوا متل ما تشوف اهل الهند او غيرها من الدول المنفجرة سكانيا !!
و انخفاض اجور الأيدي العاملة فيها !!!


و لو تشوف اي برنامج وثائقي عن موضوع الأيدي العاملة او تشيغل الأطفال او استغلال الأطفال
رح تسمع كلمات متل
.... لقد ترك المدرسة ليساعد والده في اعالة اخوته
لقد تخلت عنه اسرته لانها لا تستطيع ترتبيته مع عدد ابنائهم و فقرهم
عنده عدد كبير من الأطفال و لا يستطير كفايتهم !


لهيك تشوف ظواهر متل الشرد و عمل الأطفال

و لو نعقد نحكي و نفصل الموضوع يتشعب كتير لانه مزيج من الأسباب ...

بس من الأخير ...



بالمركز الأول ....
اهم شي هو تربية الأطفال و تقديم كل ما يحتاجون اليه من دراسة و و و
اي المقصود فيه النوعية العالية !

لان ببساطة يقدر سياسي واحد يوقف حرب !
بس بدك آلاف الجنود لتربح معركة !!! بحرب مستمرة !!

ولا تنسى يقدر عالم واحد يخترع قنبلة تقتل كل الآلاف هدول !!!

برايي الموضوع ما هوة زيادة او انقاص الموضوع هوة نوعية اهتمام ...
يعني ممكن عائلة يكون فيها 100 ولد و يطلعوا كلهم مميزين و اعضاءفاعلين بالمجتمع ... لان اهلهم اهتموا فيهم و قدموا لهم
بينما ممكن يكون عائلة ما فيها غير طفل واحد و يطلع مجرم إما من عدم الغهتمام او فرط الدلال !!!

رايي انا الموضوع ما هوة زيادة او نقصان الموضوع موضوع ..... نوعية و اهتمام

و كمان الشي يلي اريد اوصله ان ما كل الناس خرج يربوا ولاد و يهتموا بعائلات
انا بحكي ان ما الكل عنده الجدارة هاي ....
ما القصود قدرة الأنجاب المقصود قدرة التربية و هاي للنواحي التالية
1> افكار الأهل و نضجهم و قدرتهم على تربية اطفالهم
2> اهتمام الأهل .. و متابعتهم
3> الناحية المادية


برايي لازم بشكل اساسي يكون في شهادة انجاب متل ما في شهادة سواقة ...

يعني الشخص قبل ما يحق له الأنجاب لازم يكون ماخد هاي الشهادة !
يعني يكون يعرف اسس التربية و يكون نفسيا و ما ديا قادر على ترتبية اعضاء صالحين بالمجتمع !


هاي ناحية ... الفكرة هاي ما رح تتطبق إلا بصعوبة و على فئة محدودة !

اما فكرة تحديد النسل... فهي تكون حل مؤقت يعني في اشخاص ممكن لولا العناية باطفالهم كان رح يكونوا من الأعضاء الفاعلين اكتر و اكتر ... و خاصة بين فئة النساء ... نشوف كتير امهات ممكن كان يكونوا كتير مبدعين لولا مشكلة عدد عائلتهم الكبير و انشغالهم !!!

لهيك لو يكون العدد قليل مثلا طفلين تلاتة ما اكتر !

ببساطة رح يقدورا يعتنوا فيهم ... و كمان رح يتحول التركيز من مجرد توفير الحاجات الأساسية الى نواحي تانية ..

يعني هلاء .... تشوف اهتمام الأهل كيف رح يطعموا اولادهم و اهتمام الدولة شو رح تبدي بيوت و شو رح تامن زراعة !!!!
هاد الحال صراحة انفجار !!!

يعني شوف هلاء كل شي حولنا استهلاكي !!!
و هاد شي كتير بشع و خاضع للطبيعة !!! يعني اغلب الإعلانات اكل و جـ ......
اغلب الإهتمام شلون رح يشتغل كيف رح يامن بيت كيف رح يعيش ... بعدين
يتزوج و يجيب ولاد و يصير كل همه كيف رح يعيشهم !!!
و هلما جرا !!

يعني نظام استهلاكي فااااااااااااااااااااااااشل
يعني قول لي شو هل مجتمع و شو الشي يلي عم يقدمه !!!
كلو تجاري ...
كلو استهلاكي ...

وين العلم لما يصير غاية
وين العمل لما يصير هواية
وين الاخلاق لما تصير طبيعة !

وين الأنسان لما يكون هوة رقم واحد بهيك نظام !!!

نظام الخضوع للحيوانية ....
ياريت لو كان هل شي لمصلحة الأنسان تشوف ناس يقتلوا حالهم بدهم ولاد بعدين يتطلقوا و يزتوهم بالشارع !!! ليتزوجوا مرة تانية هنة ما بدهم الولاد
ولا بدهم مصلحة المجتمع بده يشبعوا غرائزهم ! مجرد لذة
بس ويييييييييييييييين لما يكونوا هيك الله ما بيبارك لهم و تشوفهم تعساء
كل حياتهم مافي شي يشبعهم !
لان لذة الطعام ما بطعمه لذة الطعام بتقديمه
لذة الحب ما بانك تملك لذة الحب بانك تخلي غيرك يملك و تصير سعادته ضرورية الك
لذة الأنجاب ما بالسيطرة على الأطفال و التفاخر بهم و الأأعتماد عليهم ..
لذة الأنجاب لما تحس حالك ساعدت شخص ... تحس حالك قدم للمجتمع عنصر فعال تاني ! ....
لذة العطاء ما بالشكر و الفخفخة و المديح ... لذة العطاء بانك تحس حالك شخص سامي ... لان من طول عمرهاالأيد العليا هية يلي تعطي للدنيا !


هون المشكلة بالناس يلي ما عنده ضمير ... يلي ما بيشوفوا العلاقات المحرمة حرام .... بس بيخافوا من مرض ينتقل لهم !
لانهم انانيين بيريدوا مصلحتهم و مصلحة الطبيعة الحيوانية يلي بعبدوها !
اي بعدوها لما يقدوا كل شي عليها !


لهيك قلت انه لازم يكون عليهم قوانين و و و و



بس مع هل شي و بصراحة الطبيعة ما بتنحكم بقوانين المادة لانها متل السائل ما بيحبسه قفص شبك !!
الطبيعة يدمرها الإنسان الواعي !! المتحكم


و لو شو ما سويت رح تشوفها غيرت و بدلت و لعبت بعقول عبيدها لتكمل مشوارها و فسادها و رذائلها !
و إذا ما كان تصدق ... شوف
الحجاب و العبايا يلي كانوا على الأساس للستر
لعبة الطبيعة بعقول عبيدها و صار الحجاب الوان و موديلات !!
و العباية اشكال و افنان !!
و غيرها و غيرها !


يعني الموضوع هوة ان الطبيعة متل دنب الكلب و ستني كلب اجرب كمان

دنب الكلب الاعوج يلي رح يضل طول عمره اعوج !!!
متل الجاذبية ..

لو رفعت ايدك 100000000 سنة باي لحظة ما تنتبه رح تنزل !




و هيك موضوع النسل كمان لان الطبيعة الحوانية بدها حيوانات يتكاثروا و يكفروا و ما يقدروا علم ولا اخلاق و لا عمل !


و لو شو ما حطيت قوانين رح تتحايل عليها و ترجع لسابق عهدها ...





لهيك الأفضل ناخد اقل الشر و نخلي العدد محدد !! بـ 2 , 3
و حتى لو هيك سوين ما رح يفرق ... و رح ترجع تلتوي و تكمل !
بس لوقتها نضل ....وراها وراها ...

صحيح معركة فاشلة !
==================================
بس شرفة الوثبة ان ترضي العلا .... غلب الواثب او لم يغلب !
==================================



ملاحظة مصطلح الطبيعة يلي بستخدمه بقصد فيه الطبيعة الحيوانية
يلي الها مجموعة من الخواص حسب فلسفتي ...
و إذا بدكم اقرب نظير الها او اسم من مصطلحات العامة قريب من معناها
تقدروا تقولوا
الطبيعة هي الشيطان ( ابليس )
!قلتلكم مقاربة بس بعيدة شوي !

===========================================
===========================================


كلمة وحدة .... و من الأخير ...

برايي و حسب فلسفتي الخاصة ....




الأنسان الجيد الانسان الصالح
هو يلي يفكر بغيره ! و يساعد غيره

و الموضوع ينطبق على ناحية الانجاب لهيك بدنا
واحد من تنين ..

1> ان الشخص يساعد اولاده اكتر ( فكرة الشهادة )

الفكرة مثالية


لهيك نقول تحديد النسل ...
يعني إذا ما قدرنا نوجد نوعية ممتاز

نقلل النوعية السيئة !!!




بالتوفيق و السلام

سؤالي ....... شو رايك بموضوع تاخير الزواج و ربطه بناحية القدرة المادية !!؟؟؟
هل الأمر بيع و شراء ؟؟؟


هل انت مع او ضد ؟؟ و شوية تعليل و حكي طبعا !

هلا بك يا عطر الورد

بالنسبة للزواج وموضوع تاجيل الزواج لاسباب مادية

الزواج المبكر له فوائد متعددة، منها
صون الشباب من الانحراف.
حفظ أعراض المسلمين، وصون المجتمع الإسلامي من الآفات، والأمراض.
حصول الأمن والاستقرار، فالزواج المبكر يكبح جماح طاقة الشباب من الانحراف،
على الرغم من فوائد الزواج المبكر الا انه لايعني ان يكون الزواج المبكر دون دراسة
او ان يكون دون قدرة مادية من الزوج والامر ليس بيع وشراء بل حياة جديدة يجب ان يكون الكل على قدر التحدي حتى لاتفشل هذه الحياة
انا مع تاجيل الزواج حتى يصبح المرء مقتدرا ماديا ومستقلا ماديا عن اهله
ولو كانت الحالة المادية لاهله جيدة
ليش؟؟؟؟؟؟؟؟؟؟؟؟؟
اذا بتاخر الزواج سنة او تنتين حتى تامن مصاريف الزواج ممكن ترتاح بالزواج طول العمر
يعني لاباس تاجبل الزواج حتى تصبح الامور الاساسية داخل البيت متوفرة
كمان المراة التي تقكر بالارتباط بها من حقها ان تكون لها استقلالية في حياتها (على الاقل لها بيت خاص كحد ادنى)
ومن حقها اذا بدها اي شى تتطلبه من زوجا لا انو تنتظر الزوج حتى ياخذ مصروفه من الاب
و مهما كانت تحب زوجها فهي ستفقد احترامها له ان لم يكن قادرا على القيام بطلبات البيت
بعدين اي شب ممكن ان يبقى وهو اعزب دون مصروف يوم او يومين او ....اما عندما يصبح مسؤولا عن عائلة واولاد فمن غير المعقول ان تكون العائلة كلها دون اي دخل مادي تتنتظر من يساعدها (ولو كان اقرب الاقربين)
يعني الامور المادية ليست بالامر الثانوي الذي يمكن تجاهله .كل شي في الحياة الزوجية يعتمد على الناحية المادية (نحن لا نعيش في المدينة الفاضلة)
تخبل انو الاب زوج ابنو على بكير وهو مو قادر على تامين مصروف البيت كيف رح يقدر يتحمل مسؤلية تربية الاولاد وكنتيجة حتمية مش رح يخلي اولادو يكفوا تعليم ورح يلحشهم برة المدرسة ويركنهم على اول شغلة ممكن تحصلوا اي مصروف مادي

وبدل ما نستفيد من الزواج المبكر بحفظ الشباب وصون المجتمع نكون جبنا مصايب تانية وتالتةو......و......
واكيد رح تكون النهاية غير محمودة العواقب

هل انت مع او ضد تدريس مناهج تتعارض مع الشريعة الاسلامية ضمن المناهج المدرسية كنوع من التعرف على الثقافات الاخرى متل اليهودية او البوذية.....................؟؟؟؟؟

والله بالنسبة لرايك بموضوع تاجيل الزواج انا بشوفه راي موضوعي وواقعي كتير ...... و بايده

هل انت مع او ضد تدريس مناهج تتعارض مع الشريعة الاسلامية ضمن المناهج المدرسية كنوع من التعرف على الثقافات الاخرى متل اليهودية او البوذية.....................؟؟؟؟؟
==================================

بالنسبة لموضوع التدريس بالمدرسة
الموضوع قسمين القسم الأول موضوع
> العلم و البحث العلمي
التاني موضوع
> السماح بالعلم
التالت موضوع
> تدريس العلم في المدارس


موضوع العلم و البحث العلمي ... برايي لازم يكون موضوع مطلق الحرية و يقوم فيه الباحثين و الناس الواعيين و العارفين لخطورته ..... لمختلف المجالات
البحوث العلمية المادية او الفكرية

موضوع السماح بالعلم يتحدد حسب سياسات و فلسفات كل جماعة

موضوع التدريس في المدارس ... برايي في المدارس لازم تكون الدراسة للمواضيع البديهية و المتفع و المجمع عليها " على مستوى الأنسانية بالكامل "
اي النواحي المادية فيزياء كيمياء رياضيات
اما النواحي الفكرية و الفلسفية ....

يتم تعليم الأمور الأساسيية و المتفق عليها متل
احترام الآخر
عدم الإعتداء
الأحسان
الصدق
المحبة
.,.,,,,,,,,,,,,الخ

تبقى الفلسفات المختلفة هاي صعب و نادر ممكن يتلقى لها حل مطلق يعني يجمع الكل ....

لهيك غالبا ...... ما رح نوصل لحل الها ... السبب الرئيسي
1- تعصب بعض الأطراف
2- ارتباطها بمصالح استغلالية


برايي بدل محاولة قمع باقي الأفكار الأفضل التركيز على تحسين طريقة عرض الأفكار الموجودة و تقديمها بشكل افضل عملي اكتر و متناسي اكتر مع العصر
ووسطية عاااااااالية ...

يعني ببساطة .... شو ما كان لون الأفكار بدها وش بويا رمادي و تطلع تمام !

افضل شي الحيادية .....

و كمان في مجموعة من الأوراق المميزة لهل مجال للصراع على المجال الدولي

1- الحرية ... و حق تقرير المصير
2- عدم التدخل و عدم الإجبار
3- التراث و الثقافة

و غيرها ......


بس رايي بالموضوع و من الآخر .......
الأفضل عدم التعمق في هذه الفلسفات لانها ما بتفيد ولا الها اي جانب انتاجي ...... و يكون التركيز على المواضيع المشتركة ...

سؤالي ..... هل انت مع ام ضد ان يكون التدريس الجامعي عبارة عن كتب و حفظ و من ثمة اجابة و تصحيح حرفي ؟؟؟؟ ام تفضل طريقة البحث ..؟؟؟؟ ام تفضل طريقة ان الهدف الوصول لاتقان فكرة معينة ولا اهمية للأسلوب النظري ؟؟؟


من الأخير ؟؟؟؟ الأسلوب الجامعي الأفضل برايك ؟؟

اولا:شكرا محمد
انا مع ان يكون العلم عبارة عن ابحاث ودراسات معمقة من قبل الطلاب للحصول على المعلومات..........لماذا؟؟؟؟؟؟؟؟؟؟؟


لانه بالنسبة للتعليم الجامعي فالجامعة الهدف منها ماتعطيك كل شي وانما تعطيك المبادئ الاساسيةفي مجال دراستك وبتلاحظ اذا تخرجت انك اذا بدك تنجح بمجالك فلا بد من ان تقوم بتطوير نفسك بالبحث والدراسة والاطلاع على اخر العلوم والابحاث في مجال دراستك والا حتما ستفشل او تصبح مجرد الة او صندوق معلومات لاغير


بالنسبة للتعليم (من وحهة نظري) الافضل هو عمليات البحث من خلال المراجع في الكتب او الانترنت او...............(البحث هذا بالنسبة للفروع الادبية التي تحتاج فيها الى البحث ضمن الكتب او الانترنت) اما بالنسبة للفروع العلمية فالموضوع بيختلف لانو البحث بيحتاج الى مخابر والى قاعات انترنت والبرامج المتخصصة (مثل البرامج الهندسية او برامج كمبيوتر او برامج المحاسبة او ....... وربما يحتاج البحث في الفروع العلمية الى تكلفة مادية قد ترهق الطالب)


يعني تخيل ان البحث اللي عم تفوم فيه كان بمجال الفيزياء او الكيمياء فاكيد رح تحتاج الى مختبر لاكمال نتائج البحث وتعزيز النتيجة التي توصلت اليها..... اذا تحتاج الى امور اساسية ضمن الجامعة حتى تستطيع ان تقوم بعملية البحث والاطلاع وعملية البحث تتوقف على الجامعة اكثر من الطالب


اساسيات البحث العلمي:
اولا: توفر المخابر و قاعات الانترنت الكافية

ثانبا: قدرة الكادر التعليمي على متابعة كل البحوث
يعني كيف دكتور واحد بدو يقدر يدرس ويناقش مواضيع بحث لاكثر من مائتين طالب.....يعني في حال تطبيق فكرة البحث العلمي بشكل شخصي يجب ان يكون عدد كافي من الكادر النعليمي لمتابعة دراسات كل الطلاب و تقييم هذه الدراسات

ثالثا:وجود الكادر التعليمي المطلع على اخر التطورات العلمية (وهذا للاسف غير متوفر في اغلب الجامعات السورية) يعني كتير من الدكاترة ما بيعرفوا يشتغلوا على الكمبيوتر

رابعا:وجود القدرة المادية لدى الطلاب لاعداد لوازم البحوث

اذا توفرت كل المتطلبات الاساسية السابقة فالبحث العلمي رح يكون هو الافصل اما اذا ما توفرت فالبحث رح يكون عيثي وبلا فائدة

هل انت مع او ضد انشاء هيئة موحدة لكل الدول الاسلامية لتحديد هلال اول رمضان لكل الدول الاسلامية و كذلك هلال العيد؟؟؟؟؟