هكذا كنا فمتى نعود

هكذا كنا
فلماذا لا نكون نحن رواد المجد حاليا
و نريهم قدراتنا
طاقاتنا
و لنكن نحن قدوتهم........
لماذا لا

الحمد لله طلعت الصورة
لا شي مستحيل مع الهمه العالية
وانشاء الله بترجع ايام عز الاسلام والمسلمين

لنجعل السؤال :
هكذا كنا ونحن الذين سنعيد المجد السابق لنكون نحن النواة التي تنشر المجد

امين يا رب
الله يسمع من تمك يا اخ انس
و الله في شباب بالوطن العربي مو بس بيبنو حضارات
بيبنو قارات بذكائهم و وسطيتهم و انفتاحهم
بس مو فاتحينلهم فرصة للابداع

والله معك حق
وندعو الله تعالى أن يفتح المجال الواسع أمام جميع هؤلاء الشباب ليفجروا هذه الطاقات في خدمة الأمة الإسلامية

الله يسمع منك يا رب

شكرا لكل من عطر الموضوع بتعليقه
الف شكر الك نور يا برنس
والك يا سلمى النشيطة
والك يا جدو نوبل يا تاج المنتدى
بس ممكن نناقش الموضوع؟؟؟؟؟؟؟
كيف بدنا نرجع لهذا المستوى من العلم والنقدم والحضارة؟؟؟؟؟كيف السبيل؟؟؟؟
اتمنى من الكل المشاركة......

أول شي بالتفاؤل
وبعدين بالعمل .... وأنا بشكر جدا جدو نوبل للمشاركة الرائعة

بالبداية ميت هلا اخ مصطفى و شكرا كتير الك اما بالنسبة للسؤال انا برأيي ما رح نقد نغير الا بعد :

-انو يكون في صحوة كبيرة منا و خصوصا من فئة الشباب يلي هيي من اكتر الفئات عملا و نشاطا و تأثيرا ننتبه لخضوعنا و تخاذلنا و نحدد اخطائنا و نعرف الاسباب يلي خلتنا نوصل لهون لحتى ما نرجعلنا و لحتى ما نخلي الاجيال يلي بعدنا يعيدو نفس الحكاية و يرجعو للي نحن وصلناه هلأ

-تاني شي و هي اهم شي نرسم الخطط المستقبلية بعيدة المدى و ننتبه كتير انو يكون فيها الطموح كتييييييييييييير كبير لانو نحن بدنا نغير عالم و قارات مو قرية صغيرة او بلد صغير و لهيك بنلاحظ اسرائيل بيرسمو خطط من هون لبعد 500 سنة

-دراسة الثقافات الاخرى بشكل دقيق و موسع من لغة و عادات و تقاليد و انماط تفكير و تفاصيل الحياة اليومية لحتى نعرف كيف نتعامل مع هدفنا و نشتغل على نقاط الضعف عندهم و كمان بيخلينا نشتغل مع هدفنا بعد اخذ خلفية وااسعة عنهم و التعامل معهم عن علم و ثقلفة عالية

-و من اكثر الامور اهمية انو يكون عنا طموح و تفاؤل و امل كبير و ايمان كتييييييييييييير كبير بقدرتنا على التغيير و انو نحن عنا طاقات و ما نسمح لاي حد من الناس السلبيين ياثر فينا او يحبطنا و ما نشوف و لا شي اسود بالدنيا نمسك علبة الوان و نلون الدنيا بأزها الالوان نرسمها متل ما نحن بدنا

-نشتغل على الامور يلي بنقدر نثبت فيها وجودنا متل البحث العلمي و الاعجاز العلمي بالقران الكريم و التأثير الكتير بالاقتصاد و بالبورصات العالمية و بالزراعة و الانتاج لانو يا جماعة بلادنا من اكتر البلدان خصوبة .. ليه ما نرجع ايام ابن سينا و الرازي و ابن الهيثم ليه؟ و الله عنا طاقات و عقول كتير

-و الاهم من هاد كلو الالتزام بدينا و اخلاقو و صفاتو و اوارمو لانو دينا مو بس تنظير دينا تطبيق عملي و بالتطبيق العملي بنقدر نكسب كتيييييييييير ناس و نأثر بكتييييييييير ناس مثلا رح احكيلكم قصة صارت ببريطانيا .. هاد مرة شيخ جامع تعين بمدينة من المدن البرطانية و ركب بالباص لحتى يوصلو لهناك , قام شفير الباص رجعلو سنتين زيادة و الشيخ ضلو يفكر طول الوقت يلي قضاه بالباص ارجع السنتين و لا لأ ؟ والله انهم كتير قلال و رح يأثرو بشي على الشفير .. و بس نزل من الباص رجعهم للشفير و و تزكر انو حرتم حتى لو كان مبلغ كتييير صغير .. فانبسط الشفير و قلو انت امام المسجد الجديد رد عليه الشيخ نعم انا الامام الجديد
فقلو الشفير انا كنت رح بختبرك و بختبر دينك و اخلاقك .. فحكا الامام بنفسو الحمد لله اني ما بعت ديني بسنتين .. فلهيك لازم نتنبه لهاي الامور كتير منيح
(و اسفة على الاطالة بس حبيت اناقش الموضوع من جميع جوانبو)

دينا مو بس تنظير دينا تطبيق عملي
والله كلام صحيح
جزاكي الله خيرا أخت سلمى على الكتابه والمناقشة الرائعة

الله يخليك يا رب يا انس
بس
جد الواحد
بيحب يناقش هيك مواضيع

إي والله هي الواضيع لازم تتناقش
ويا ريت هيك أنو يكون دائما في مجموعات من الشباب والفتيات اللي يجتمعوا ويناقشوا هي الأمور حتى لو كان على النت المهم لازم يتحرك هاد الجيل شوي

شو مصفى ما شفنا ردودك على ارائنا و مناقشاتنا
بس هي طلعت بالصفحة يلي قبل هي
يمكن مشان هيك ما شفتها

مشكورة اخت سلمى على الاضافة المميزة
من اجل النهوض بالامة انا برايي انو البداية تكون من صانعي القرار ولكن بالاعتماد على طاقات وهمة ابناء الامة........
نحن لا ينقصنا المال (معظم ثروات العالم تقع في البلاد العربية والاسلامية)
ولا تنقصنا العقول والادمغة (هناك الكثير الكثير من العلماء العرب والمسلمين الذين غلبوا نظرائهم الاجانب عندما اتيحت لهم ظروف مماثلة من الدراسة في الدول الاوربية او اميركا)
ماذا ينقصنا؟؟؟؟
تنقصنا التصميم والاصرار الذي يوجد عند غيرنا ...يجب ان لا نتوقف عند الفشل الاول ...ولا يجب ان تنتهي طموحاتنا عند اول هزيمة لنتذكر دائما ان الفشل هو اول طريق النجاح

وايضا تنقصنا الادارة القادرة على الاستفادة من كل الثروات لبناء اسس ثابتة ليس لهذا الجيل وانما قاعدة لعمل متواصل يتوارثه الابناء كل يضع فيه حجرا على قدر ما يستطيع فما نريد ان نصل اليه لا ياتي بوقت قصير

تنقصنا الاستفادة من الخبرات الاجنبية (اذا اردنا ان نصل الى ما نريد
علينا الامام باخر معطيات العلوم في الدول المتقدمة لانهم لم يصلوا الى ما وصلوا اليه الان لولا الحضارة الاسلامية في القرون الوسطى يوم ان كانوا يغطون في سبات الجهل والخرافات)

ينقصنا التفاؤل والثقة بالنفس فاذا اردنا ان نغير الواقع الى ما هو افضل يجب ان نؤمن بانفسنا ويقدراتنا وباننا نستطيع ان نقدم افضل من الموجود حتى ولو حاولت كل الدول منعنا من هذا

وفي النهاية هذا العمل عمل متكامل يتطلب ان نكون يدا واحدة وبلا هذه الروح ان نتقدم ولن يحترمنا احد وسنبقى في اخر الركب

االف شكر يا اخ مصطفى
على الرد الموسوعي المميز

مشكور على الرد المتميز
نسيت أن تكتب أنه ينقصنا وهو أهم شيء صدق الإيمان بالله تعالى والإيمان بالقدرة الإلهية على النصر
وجزاك الله خيرا

سلمى كتب:

االف شكر يا اخ مصطفى
على الرد الموسوعي المميز

مشكورة يا سلمى
والف شكر لجهودك بالمنتدى
فعلا انا ما انتبهت للردود بالصفجة التانية حتى وقت اللى كتبت الرد ما كنت منتبه للردود كلها

nour كتب:

مشكور على الرد المتميز
نسيت أن تكتب أنه ينقصنا وهو أهم شيء صدق الإيمان بالله تعالى والإيمان بالقدرة الإلهية على النصر
وجزاك الله خيرا

شي اكيد اخ انس
مشكور على الملاحظة الحلوة
الايمان بالله شي اساسي للنجاح والتطور وكما قال الرسول (صلى الله عليه وسلم):
"كل عمل لم يبدا باسم الله فهو ابتر"

جزاك الله خيرا يا أخ مصطفى

الف شكر على الموضوع المميز و النادر اخي مصطفى و بالفعل الزمن دولاب !!

Muhammad 2024 كتب:

الف شكر على الموضوع المميز و النادر اخي مصطفى و بالفعل الزمن دولاب !!

هلا والله فيك بعد غياب
انشاء الله بترجع ايام المسلمين

أهلا بالعودة أخي محمد