أمثال شعبيــــــــة .. غير شكل ..

أمثال
شعبيــــــــة .. غير شكل ..

رجعت حليمه لعادتها القديمة

الكلام الك يا جارة لكن يلي قاعدة عم بتسمع حمارة

تباهت
القرعة بشعر بنت اختها

كلمة
بتاخدها و كلمة بتجيبها

بيلبق
للشوحة جوخة و للحمارة قبقاب

رايحة
جاية متل مكوك الحايك

مافي بيناتهم الا يللي حرموا الله

فقير
تزوج فقيرة جابوا ولد شحاد

مو كل
مين نفخ طبخ

الرجال غايبة والنسوان سايبة

متل
الأطرش بالزفة

قبل ما تلم اسأل عن الأم

مسمار
بالحيط ولا مرة بالبيت

المرة
الثرثارة من حارة لحارة ومن جارة لجارة

عشيقك لا
تاخدي وطليقك لا ترديه

أنت
أميرة وأنا أمير مين بدو يرعى الحمير

أمشي
بجنازة ولا تمشي بجوازة

يلي
جوزها معها بتدير القمر باصبعها

حط الولد
بكمك ولا تتركه عند امك

يلي
بيستحي من مرته ما بجيه اولاد

يلي بدفع
فلوسه بنت الملك عروسه

خود
الاصيلة ولو كانت عالحصيرة

طب الجرة
على تمها بتطلع البنت لامها

البيت يلي ربه مرة كل ماله لورا

المرة
متل الزيتون ما بتحلى الابالرص

ركبنا
العرجا ورانا مدت ايدها عالخرج

علمناها
عالشحادة سبقتنا عالبواب

كل
قمحة مسوسة الها الف كيال اعمى

عند جرن
الحمام بتبان القرعة من ام الشعر

لا
الفارة طاهرة ولا دعواتها مستجابة

لولا
علبة مكي كانت الحالة بتبكي

المرة
تنكة ولو صارت ملكة

صوت حية ولا صوت بنية

يا
نحلة لا تقرصيني ما بدي منك عسل

خلت
زوجها مكروب وراحت تشوف المحبوب

طلعت
تترحم نزلت تتوحم

لسانها حلس ملس

بردانة وبتفرق لحف

المرة متل القطط بتأك وبتنكر

مالا
معلقة ولالها مطلقة

الكذب ملح الرجال

المي
تكذب الغطاس

ضرب الحبيب زبيب

وردة
خلفت شوكة

هالخد معود عالطم

الضرة
مرة لو كانت عقب جرة

يا واخد القرد على مالو بيروح المال بضل
القرد على حاله

خود الطرشة ولا تأخذ العفشة

قطع
الأعناق ولا قطع الأرزاق

عطي
خبزك للخباز ولو أكلو نصو

اذا كان
الكلام من فضة فالسكوت من ذهب

توب
العيرة ما بدوم واذا دام ما بدفي

معزاية
ولو طارت

طنجرة و لقت غطاها

فردة ما
الها أخت

صهري مسند ضهري

ان حضرت
الحمى حضر العمى

اذا حبيبك عسل لا تلحسو كلو

الرجال
رحمة ولو كان فحمة

أعزب دهر ولا أرمل شهر

حدا بجيب
الدب لكرموه

طلطميس مابتعرف الجمعة من الخميس

دق المي
وهي مي

يلي متلنا تعال لنا

متل
القطة بسبع رواح

الحية ما بتنحط بالعب

حظك ردي
لا تحردي

العقل زينة و المجانين بالدزينة

بتتدين
لتتزين

حولا وبتغمز القمر

برا
شحرور وبالبيت دبور

غاب القط اسرح يافار

البنت
المنيحة ولا الصبي الفضيحة

الف شكر والله الامثال غاااااااااااااااااااااية في الروعة

و خاصة

أنت أميرة وأنا أمير مين بدو يرعى الحمير
و في غيرهم كتير حلوين و اول مرة اسمعهم

شكرا جزيلا لمشاركاتك الرائعة

اهلا اخي ... بس سؤال كيف انت جمعت كل هل امثال ام نقلتها ؟؟؟
لانها شاملة

بس نسيت يا داخل بين البصلة و قشرتا ما بينوبك غير ريحتا
و كمان ... عصفور بالأيد سدوا و استريح

جمع الأمثال بسيط جدا
كل ما لقيت مقل بنسخو
وبعدين بيتجمعوا لحالهون
مو أكتر

و الله تمام لانهم كتير شاملين و حلوين ...

شو رايك نسوي موسوعة ...

ويكلوبيدا مشروع دمّر

أنا حاضر
شو بدك نحن جاهزين