لعبة مع او ضد

السلام عليكم.احلى تحية لاحلى اعضاء بالمنتدى
سوف اقترح عليكم لعبة (ليست لعبة بالاطارالعام وانما تعبير عن اراء الاعضاء) يقوم كل عضو بطرح سوال ما مثلا:
هل انت مع او ضد ........
هل انت مع او ضد ........
والجواب ياتي من العضو الذي يليه على صيغة مع او ضد
وبعد ان يجيب العضو يطرح سوالا ثانيا على العضو الذي يليه

يلا نبدا..............
هل انت مع او ضد الجامعات الخاصة؟؟؟؟؟؟

لعبة كتيييييييييييييييييييييير حلوة
طيب
في نا حيتين لموضوع الجامعات الخاصة
الناحية الاولى انا ضد اجامعات الخاصة لانو بيسير نوع من الظلم للطلاب يلي انقبلو بالتنافس بالجامعات الرسمية
يعني واحد بالجامعات الرسمية يطلعلو تخصص بالتنافس يا دوب حصلو
و واحد تاني اقل منو بكتير يدرس نفس التخصص بس بيدفع فلوس
جد ظلم كتير

و الناحية التانية انا مع الجامعات الخاصة
لانو الواحد ازا كان معدلو ما بيسمحلو يدرس بالجامعات الرسمية
على الاقل بيدرس تخصص يكمل فيو حياتو
--------------------------------------------
يلي بعدي
هل انتت مع او ضد ان تكون الجامعات مختلطة؟

هل انتت مع او ضد ان تكون الجامعات مختلطة؟

انا مع الجامعات المختلطة
و ضد التفكير المخربط


يعني الجامعة المختلطة معناه فرص متساوين للشباب متل البنات
اما الجامعات المنفصلة معناها مثلا 100 فرصة للشباب 100 فرصة للبنات
يعني ممكن اكتر واحد من الشباب يكون مجمع 80%
و من البنات 95%
كل واحد حسب جامعته !!! يعني تمييز ما اله داعي

و كمان لان الموضوع ما موضوع الجامعة لان التخبيص معبي الدني
يعني المشكلة ما هية ان في شباب و بنات او لا ...
المشكلة هية شو في بمخ الشباب و البنات !!؟؟؟؟؟

على فكرة الف شكر على اللعبة الراااااااااااااااااااااااااااااااااااائعة
( سؤال اللعبة من اختراعك ؟؟؟ )




سؤالي .... هل انت مع او ضد ... طول استخدام الماسنجر لساعات طويلة ؟؟؟؟
( مع التعليل ؟؟ )

مش بالضبط بس من التلفزيون انت بتابع برنامج ضد التيار.هو بيقوم على نفس الفكرة
لا انا ضد.......لساعات طويلة!!!!!!!!!! ليش عن شو عم تحكوا بالماسنجر؟؟؟؟؟؟؟؟؟؟؟؟ عن قضايا العالم
ممكن الواحد يضطر يطول بالماسنجر بس هي حالات خاصة انما دائما صارالموضوع حكي فاضي
بعدين اللى عنده ساعات طويلة فاضية يدور لو على شي مفيد .ممكن يدخل مواقع تعليمية بالنت بدل الكلام الماسنجر




هل انت مع او ضد تدريس المناهج باللغة الانكليزية ضمن الجامعات العربية؟؟؟؟؟؟؟؟؟؟؟؟؟؟؟

هل انت مع او ضد تدريس المناهج باللغة الانكليزية ضمن الجامعات العربية؟؟؟؟؟؟؟؟؟؟؟؟؟؟؟


انا مع هل شي ..... لان تدريس كل علم لازم يكون بلغة مخترعه لنفهمه بافضل طريقة متل ما عبر عنه مخترعه

ولا نقع بمشكلة الترجمة و من بعدها الفهم !

ها ها ...


السؤال هل انت مع او ضد ..... ( الكتب الإلكترونية )

اي هل تفضل الكتب الإلكترونية ام العادية ؟؟؟ و لماذا







لك مصطفى الموضوع روعة انا كتير عجبني

ميت هلا والله بشان الكتب الإلكترونية برايي افضل بـ 10000000 مرة من العادية
للاسباب التالية .... اول شي اوفر .... و اصغر حجم ... و ما الها وزن .... يعني بفلاش بحجم حبة التمر تقدر تشيل آلاف الكتب ... و كمان لامكانية التعديل و النسخ و التعليم و الإشارات ..... و كمان هية غير
قابلة للتلف او التمزق
اما بشان موضوع التقل هية ابو التنقل ...ببساطة بس بدك لابتوب او آيمت ... و اقرا بكل مكان انا افكر اشتري آي مت خصوصي للكتب الإلكترونية ....
بشان سؤالك
هل انت مع او ضد حظر المواقع بالانترنت؟؟؟؟؟
والله الموضوع كبير كتير .... يعني ما مجرد ممنوع و حظر ...
اولا : اغلب بل كل المواقع يلي بتنحظر حاليا تكون ما بشان تحمي الشعب بشان تحمي الدولة !
تانيا : حظر المواقع بده جهة فلسفية فكرية عالية المستوى ما مجرد موظف او شيخ حافظة ايتين ما فهمانهم لانه اديلوجية شعب ما لعبة
برايي انا انا ضد الحظر و الحجب و التقييد .... مع الحرية الفكرية بالمطلق
و مع ان كل شخص يبعبر و نخلي الزمن هوة يلي يحكم ليرفع الكويس و ينزل الرديء
هاد الكلام للمواضيع السياسية و الفلسفية و الفكرية ! لان يحكمها المنطق
اما المواضيع الأخلاقية لازم يكون عليها رقابة بس ما رقابة منع رقابة حقوق شخصية يعني يعطوا حرية لكل واحد يعمل يلي بده بس يكون في قوانين صااااااااااااااااااااااارمة للتعدي على الآخرين ! و تبقى هل قوانين و تنسيقها من ذكاء واضعي القوانين
ليعرفوا يلعبوها صح و يخلوا الفائدة الهم و اللوم على معارضيهم !

سؤالي : ما رايك بالبنات يلي يحطوا الحجاب و مع هل شي تصدر عنهم افعال قمة بالأنحطاط و اللااخلاقية ؟؟؟؟
و ما هو رايك بالنسبة الهم شو الحل ؟؟؟؟

اقتباس :

الفكرة رائعة جداً يا مصطفى
اما بالنسبة للسؤال
انا بعرف بنات هيك يعني هن واضعات الحجاب فقط بسبب الاهل او العادات في البلد وليس عن خلق وهذا للأسف بيسيئ للحجاب
كتير وفي كمان بنات عكس هيك يعني قمة في الاخلاق ويلبسو الحجاب وفي بنات ما بيلبسو حجاب وقمة في الاخلاق وكمان العكس
يعني نفهم انه اللباس ما هو اشارة حقيقية لاخلاق الفتاة انما هيا اشارة صغيرة تعطي انطباع اول فقط
اما الحل فلا اعتقد ان الحل رح يصدر منهن
الحل لازم يكون من الناس بحيث يتعاملو مع الانسان بعد معرفة حقيقية وليس لمجرد لباس
وكمان بدي قول انه هذا ليس عيب الحجاب فاحجاب اتى للحفاظ على الفتاة ولكن هو عيب من اساء للحجاب

تمام كتير و مشكورة على الرد المميز
بحب وصل لنقطة تقول

اقتباس :

الحل لازم يكون من الناس بحيث يتعاملو مع الانسان بعد معرفة حقيقية وليس لمجرد لباس

اي الإنسان مضمون

اقتباس :

سؤالي هو : انت مع او ضد بيع الاعضاء للحاجة المادية ؟

الموضوع هاد يعتبره البعض موت مجزء !!!
و هاد غلط بفلسفتهم ذاته
بعطيكي مثال ...
الهدرية وقت اكتشفوها و اكتشفوا اننا لو قسمناها فكل قسم يصير كائن جديد !!!
قامت الدنيا و ما قعدت بالكنيسة انو شو عم تعملوا عم تتلاعبوا بالأرواح
و تغيروها على كيفكم !!!!
موضوع الروح و الكائن الحي موضوع راجع للفلسفة لكل جماعة او فكرة



برايي انا و حسب فلسفتي الخاصة ..
1- الإنسان اولا ...
2- هدف الأنسان بناء الحضارة
3- الأنسان هو مجال فكري ابداعي

فبرايي انا الأنسان هو المجال الفكرة او الأبداع الفكري
و اعتبر هاد هوة الأنسان فلو انوجد المجال الفكر الإبداعي فالإنسان موجود
و لو اختفى الأنسان غير موجود

اعضاء الجسم هي تبعات للمجال الفكري مثل باقي الممتلكات من بيت وسيارة
الفرق انها مكتسبة !!!

بس يصير فيها تفاوت !

بيعها هوة وصول لحد كبير من الحاجة ....
و اعتقد قبل عقد ندوة كهنوتية عن الأرواح و منع بيع الأعضاء
خلي بمصاري هل ندوة و بالدهب يلي عند رجال البخور يوزعوه على الفقراء
وما حدا رح يفكر يبيع شي ....



بالتوفيق ...

رايي انا هل مسموح او لا !
اعضاء جسمه هية ملكه و يحق له يعمل فيه يلي هوة عاوزه
بس ما ياذي غيره ...
و هوة مسموح مادام مافي شي يجبر الناس تفكر ببعضها
و تساعد بعضها !


بالتوفيق

ضد طبعا
ولا اظن في داع للخوض بهذه الامور لان بشكل مبسط هاد الامر سيؤثر على دراستهم اولا
غير تأثيره على حياتهم العاطفية يلي ممكن تتدمر بسهولة من وراء هيك قصص

وخصوصا في صعوبات ستواجهم في المستقبل من نواحي عاظفية

كما يقال ما الحب الا للحبيب الاول


هل انت مع ام ضد الضغط على نفسك مقابل مصالح مع أناس آخرين؟

هل انت مع ام ضد الضغط على نفسك مقابل مصالح مع أناس آخرين؟

------------------------------------------------

حسب الشخص يلي بضغط حال مشانو
ازا كان بيستاهل تضحيتي او لا
بس انا ضد الفكرة

يلي بعدي
هل انت مع او ضد عمليات التجميل بدون عذر او سبب طبي ضروري

اقتباس :

ضد طبعا
ولا اظن في داع للخوض بهذه الامور لان بشكل مبسط هاد الامر سيؤثر على دراستهم اولا
غير تأثيره على حياتهم العاطفية يلي ممكن تتدمر بسهولة من وراء هيك قصص

وخصوصا في صعوبات ستواجهم في المستقبل من نواحي عاظفية

كما يقال ما الحب الا للحبيب الاول

والله كلنا ضد ... بس تعا فهمهم !!!!
لا حياة لمن تنادي !!!

بشان السؤال ؟؟؟

اقتباس :

يلي بعدي
هل انت مع او ضد عمليات التجميل بدون عذر او سبب طبي ضروري

هوة اكيد ... يعني الموضوع يختلف من شخص لتاني ... و جوابي رح يكون بعد تسييس ثنائي

يعني بهل تشوف كل الناس يدعوا الدين و الأخلاق .... و اغلبهم عبيد للطبيعة و الحيوانية
يعني موضوع المنع ما عم بزبط لان الطبيعة ما تحكمها القوانين تحكمها ارادة
ارادة بفكر META

موضوع عمليات التجميل برايي انا و حسب فلسفتي الشكل هوة و متل غيره من الأمور يلي فرضتها الطبيعة علينا
من جنس
و عرق
و صفات جسمية
ووراثة !

هل صفات الخطوع الها و الإحتكام حسبها هو خضوع للطبيعة ... بالتالي تجرد من الإرادة الإبداعية يلي يتميز بها الإنسان المبدع

صفات الجمال الشكلي متل ما تكلمنا عنها بفصل الطبيعة و الإصطفاء ... هية ببساطة مجرد خضوع للطبيعة !!! و دعم الها

فمثلا ... لو قلنا عند الرجل من صفات الجمال العضلات و البنية الرياضية !
هل صفات شو معناها ...... لو رجعنا لورا و قارناها بتجرد ... نشوف
الذكر بالغابة يلي عنده البنية القوية يقدر يحمي القطيع و بالتالي استمرار التناسل و حماية النوع !
هل امر تكرر و استمر و صار بناحية الجمال ... و نفس الشي لو دققنا بكل صفات الجمال الانثوي رح نشوف انها صفات الخصوبة !!

نقولها و بسرعة للخصوبة الأنثوية شو بلزم !
1> العمر صغير ( لهيك صغر عمر البنت يعتبر من الجمال )
2> اتساع الحوض لحمل الرحم و دقة الخصر لان السمنة من موانع الحمل ( لهيك من صفات الجمال نسبة الحوض للخصر 7-10 )
3> الأثداء ..... لتكون قادرة على الإرضاع ( لهيك من صفات الجمال ايضا ....... )
و
و
و
ملاحظين ...
الموضوع هاد متحدث عنه بالتفصيل بالمجلد 5 ( خديعة الطبيعة بكتاب الأنسان )
و دور الأصطفاء و الإصطفاء التراكمي للمورثات ....


و عمليات التجميل هية و بكل بساطة مجرد تغيير للصفات الجسمية لتصير تشبه الصفات المطلوبة لهيك نشوف عمليات الشد و النفخ و الشفط !!!! الموضوع ببساطة خضوع للطبيعة و الحيوانية ....... و زيادة بالرغبة بحظ النوع و السير مع نظام الطبيعة !!!

ملاحظة نظام الطبيعة مختلف عن نظام الميتا عن نظام العقيدة
يلي هنة التلاتة خاضعين لنظام الإله ( اي تفسير اسالوا او استنوا ابو 10 20 سنة لخلص كتابي )

رايي بالموضوع الواحد حر ... بس يكون قراره تسييس !




بالتوفيق و يسلموا كتيييييييير على السؤال الملغوم

سؤالي انا .... هل انت مع ام ضد قيام نظام حكم اسلامي ؟؟؟؟؟؟؟
مع العلم ان اي خطا من رجال السلطة رح ينحسب على الإسلام و رح يصير موقف الشعب من رجال السلطة هوة الموقف من الإسلام !!!! ما لان هاد الواقع بل لان هيك عم يصير ؟؟؟



فشو رايك
هل انت مع ام ضد قيام نظام حكم اسلامي ؟؟؟؟؟؟؟

رايي انا نظام الحكم لو يكون آلة تحكم و يكون العلم رمادي احسن شي ....
لان الناس الله ينزلهم كتب من السما و في لسع كفار فتعوا على قوانين يحطها ناس متلهم !!!

مشكور على السوال:
انا مع قيام النظام الاسلامي لان النظام الاسلامي نظام متكامل مش تنظيم للعبادة فقط وانما لتنظيم الامور العقائدية وامور المعاملات والسياسة و......والحكم. فلا باس من قيام نظام اسلامي قائم على مبادئ الاسلام بشرط ان يكون نظام عادل لا ان ناخذ من الاسلام ما نريد ونلقي الباقي وراء ظهورنا
هل انت مع او ضد الخصخصة في قطاعات الدولة الاساسية؟؟؟؟؟؟؟؟؟؟؟؟؟؟؟؟؟؟؟؟؟؟

هل انت مع او ضد الخصخصة في قطاعات الدولة الاساسية؟؟؟؟؟؟؟؟؟؟؟؟؟؟؟؟؟؟؟؟؟؟

فهمت قصدك من السؤال ...


بس رح جاوب بشكل عام ...رايي ...
انا مع الخصخصة 100% بس بشرط تكون خصخصة اسم و مضمون .... ما من برة خصخصة و من جوة اقطاع !!!!

لان اكبر سبب للظلم هوة امتلاك شخص محدد المال دون غيره ..

وهاد يلي ممتلك المال واحد من تلاتة ...
1- رجل عصامي بنى نفسه .....(الله يبارك له .. ويوفقه )
2- حرامي و سراق و نهاب ... (الله يقصف عمره)
3- وراثة من والد غني ......( يلعن ابوه)

و بهل انظمة التلاتة ... الظلم وين يجي
الظلم يجي بالنظام يلي ترسخه الطبيعة يعني نظام الوراثة لانه ظلم مستمر
هاد ورث و رح يورث الملايين لولاده و و و و و
و هيك يضل في طبقة غنية و طبقة فقيرة ! و تضل .....

و نظام الوراثة برايي اسوء نظام و اكثرها ظلم
لان المال يعتبر حق مشروع لصاحبه لما اخده بتعبه و بمقابل .... و هاد عدل
اما المال من غير تعب هاد ظلم !!! و بالدين يعتبر المال دون تعب مال حرام


و الوراثة .... مال دون اييييييييييييييييييييييييييييييييييي تعب !!!
برايي الحرامي يلي اخد مصاريه من القتل و السرقة افضل من يلي ورثها
لان الحرامي على القليلة بذل جهد !!!!

لو ينلغي نظام الوراثة .... رح تتحقق العدالة المالية ... ببساطة
اي شخص جمع مال من تعبه رح بشتغل فيه .... و الشخص يلي جمع مال من غير تبع
سرقة و نهب ...... لما يموت يتوزع المال على الناس و تنحل المشكلة !

هل انت مع ام ضد ..... اعطاء البنات الحرية الكاملة للبس ما يحلوا لهم في الأماكن العامة ؟؟؟؟
> مع تعليل و نفسير دقيق <

الف شكر اخي محمد
انا مع اعطاء البنت الحرية لكن( ليس الحرية الكاملة وانما الحرية التي تجعلها تحس انها تملك القرار وانها ليست الرويوت الالي الذي ليس بوسعه سوى سماع وتنفيذ الاوامر) لكن بشرط ان تكون قد قمت باعطائها كل المؤهلات التي تجعلها قادرة على الاختيار
اي عندما تقوم كأب بتربية ابنتك على مبادئ الاسلام فليس من الضروري ان تقوم بالتدقيق على ما كل تقوم به ابنتك بل يكفي التوجيه والنصح
التدخل المستمر في شوؤن البنت دائما قد يولد ردة فعل تجعل البنت ترفض كل النصائح بل على العكس ربما تقوم
بامور هي لاتريدها وغير وقتنعة بهاولكن تعتبر القبام بها نوع من الحرية ومن الخصوصية